Ham ke thehrey ajnabi itni mulaqaton ke baad
Phir banenge aashnaa, kitni madaraton ke baad
Kab nazar mein aaye gi be-daagh sabzey ki bahar
Khoon ke dhabbey dhulenge, kitni barsaaton ke baad
Thay bohat be-dard lamhe, khatam-e-dard-e-ishq ke
Theen bohot be-mehr subhain, mehrbaan raaton ke baad
Dil to chaaha, par shikast-e-dil ne mohlat hi na di
Kuch gilay shikway bhi kar letey munaaaton ke baad
Un se jo kehne geye thay, Faiz jaan sadqa kiye
An-kahi hi reh gai, wo baat sab baton ke baad
(Faiz Ahmed Faiz)
No comments:
Post a Comment