Pagal Mohabbat....

meri pagal mohabbat tumhen yaad aaye gi,

jab chand sitare chamak rahe hon,

jab yaadon k phool mehek rahe hon,

jab deed ko nain taras rahe hon,

jab ankhon se ansu baras rahe hon,

meri pagal mohabbat tumhen yaad aaye gi

jab tenhai se dil ghabraye ga,

jub tumhen akela pan sataye ga,

jab koi khowab hi na tum ko aaye ga,

jab phool kitab mein reh jayen ge,

meri pagal mohabbat tumhen yaad aaye gi….

Nazar Jab Tumse Milti Hai....

Nazar Jab Tum se Milti Hai,
Main Khud Ko Bhool Jata Hun,

Bas Ik Dharkan Dharakti Hai,
Main Khud Ko Bhool Jata Hun,

Tum se Milne Se pehle  Main,
Bohat Sajta Sanwarta Hun,

Magar Tum Jab Sanwarti Ho,
Main Khud Ko Bhool Jata Hun,

Main Aksar in Kitabon Pe,
Tera He Naam Likhta Hun,

Magar Kuch Tum Jo Likhti Ho.
Main Khud Ko Bhool Jata Hun,

Main Aksar Ye Hi Kehta Hun,
Main Tum se Piyaar Karta Hun,

Magar Jab Tum Ye Kehti Ho
Main Duniya Bhool Jata Hun.....

Bahot Khamosh Logo Se....

Bohat khamosh logon se,
Bohat uljha nahi karte,

Jo dil ko rog lag jayen,
Wo phir suljha nahi karte,

Chalo tum keh rahe ho to,
To phir hum aisa nahi karte,

Magar ab dil ye wapis dain,
Ye hum soda nahi karte,

Tumhara dil hamara hai,
Bhaley tum jis jagah jaao,

Tasalli dil ko ye d hai,
K tum dhoka nahi karte,

Dilon k mu'amlay hain ye,
Tumhi se piyar karte hain,

Humen tum bhool jaao ge,
Ye hum socha nahi karte....

Hijar k mosam mein....

Hijar k mosam mein, ye barish ka barasna kesa hai,

ek sehra se samundar ka guzarana  kesa hai, 

Ay mere dil na pareshan hotu  tanha ho kar,

Wo tere saath chala kab tha bicharna kesa hai, 

Jab shajar saath na de haar samajh bethay to wo,

Zard patton ka hawaaon se ulajhna kesa hai, 

Chal mohabbat k samundar mein utar jaaty hain hum,

Piyar karna hai to phir maot se darna kesa hai, 

Bewafa kehne ki bhi jurrat na karna ay dil,

Us ne iqrar kia kab tha?mukarna kesa hai....

Itna Toota Hu K....

Itna Toota Hu K Choone Se Bikhar Jaaun Gi ,
Ab Agar Aur Dua Dogey To Mar Jaaun Gi,

Lekar Mera Pata Waqt Zaaya Na Karo,
Main To Banjaara Hu Kya Jaane Kidhar Jaauin Gi,

Is Taraf Dhund Hai Jugnu, Na Charagh Koi,
Kon Pehchaane ga Basti Mein Agar Jaaun Gi, 

Zindagi, Main Bhi Musafir Hu Teri Kashti Ka,
Tu Jahan Mujh se Kahe gi Main Utar Jaaun Gi, 

Jahan Reh Jaayen ge Guldanon Mein Yaadon Ki Nazar,
Main To Khushbu Hu Fizaaon Mein Bikhar Jaaun Gi....

Suna Ho Ga Bahot Tum Ne...

suna hoga bohat tum ne,
kahin aankhon ki rim jhim ka,
kahin palkon ki shabnam ka,
parrha hoga bohat tu mne,
kahin lehjay ki barish ka,
kahin sagar k aansu ka,
magar tum ne kabhi humdam,
kahin daikhay, kahin parkhay,
kisi tehreer k aansu,
mujhe teri judaai ne,
yehi meraaj bakhshi hai,
k main jo lafz likhta hu,
wo saare lafz rotay hain,
k main jo harf bunta hu,
wo saare bain karte hain,
mere sang is judaai mein,
mere alfaz martey hain,
sabhi tarif kartey hain,
meri tehreer ki lekin,
kabhi koi nahi sunta,
mere alfaz ki siski,
falak bhi jo hila daalay,
mere lafzon mein hain shamil,
usi taseer k aansu,
kabhi dekho mere humdam.
meri tehreer k aansu....!!!

Itna Hi Yaad Rakh Mujhe....

Itna hi Yaad rakh Mujhe'
Jese kisi Kitaab mein'
Beete dinon k dost ka'
ik khat parra hua miley'
Lafz mitey mitey se hon'
Rang Urra Urra sa ho'
Lekin' Wo ajnabi na ho'
Uth kar Tere Galey lagey'
Beete dinon ki sab khata'
Bhoole huye tamaam dukh'
Guzre huye Tamaam sukh'
Tujh se kahey Aur Ro Parrey....

Mohabbat Ho bhi Sakti Hai...

Pighal Pathar bhi sakte hain'
Ulat dariya bhi sakta hai'
Koi Awara sa Panchhi'
Palt kar Aa bhi sakta hai'
Wo Shab jo Mujh pe Hansti hai'
Wohi Shab Ro bhi sakti hai'

Mohabbat Ho bhi sakti hai....

Bahot Pehle Se.....

bohat pehle se un qadmon ki aahat jaan lete hain,
tujhe ay zindagi hum door se pehchaan lete hain,

meri nazaren bhi aise qaatilon ka jaan-o-imaan hain,
nigaahen miltey hi jo jaan aur imaan lete hain,

tabiyat apni ghabraati hai jab sunsaan raaton mein,
hum aise mein teri yaadon ki chaadar taan lete hain,

Khud apna feslaa bhi ishq mein kafi nahi hota,
usey bhi kese kar guzren jo dil mein Thaan lete hain,

jise surat bataate hain pataa deti hai seerat ka,
ibaarat dekh kar jis terha maa'ni jaan lete hain,

tujhe ghaata na hone denge kaaro-baar-e-ulfat mein,
hum apne sar tera ay dost her ehsaan lete hain,

Firaq aksar badal kar bhes miltaa hai koi kaafir,
kabhi hum jaan lete hain kabhi pehchaan lete hain....