Dono jahan teri mohabbat mein haar ke
Wo jaa raha hai koi shab-e-gham guzaar ke
Weeraan hai mai-kada, khum-o-saagar udaas hai
Tum kya geye ke rooth geye din bahaar ke
Ek fursat-e-gunah mili, wo bhi chaar din
Dekhe hain hum ne hosley parwardigaar ke
Duniya ne teri yaad se begaana kar diya
Tujh se bhi dil-fareb hain gham rozgaar ke
Bhoole se muskura to diye thay wo aaj Faiz
Mat pooch walwaley dil-e-naakarda kaar ke
(Faiz Ahmed Faiz)
No comments:
Post a Comment