Mere Hamsafar...

Mere Hmsafr kisi Roz Tu..
Mere paas aa mere Ru-ba-Ru
Kisi roz sun meri Guftagu
Meri Chahton mein basi hui,
Mere Aansuon se bhari hui,
Meri shab k Lamhey shumar kar,
Meri Zindagi na azaab kar,
Wo Lafz tere jo nayaab hon,
Wohi Lafz mere Naam akr,
Mujhe le k tu kahin door Chal,
Zara hath mera Tham akr,
Mere Humsafr kisi Roz tu,
Mere paas aa mere Ru-ba-Ru
Meri khawhishon ko umeed de,
Meri zindagi ko naveed de,
Mere humsfar kisi roz tu,
mere paas aa mere ru-ba-ru....

Aankho Mein Raha Dil Mein Utar Kar Nahi Dekha...

Aankhon Mein Raha Dil Mein Utar Kar Nahi Dekha,
Kashti K Musafir Ne Samunder Nahi Dekha,

Be Waqt Agar Jaaon Ga Sab Chonk Parrenge,
Ek Umar Hui Din Mein Kabhi Ghar Nahi Dekha,

Jis Din Se Chala Hoon Meri Manzil Pe Nazar Hai,
Aankhon Ne Kabhi Mail Ka Pathar Nahi Dekha,

Yeh Phool Mujhe Wiraasat Mein Miley Hain,
Tum Ne Mera Kaanton Bhara Bistar Nahi Dekha,

Yaron Ki Mohabbat Ka Yaqin Kar Liya Maine,
Phoolon Mein Chupa Hua Khanjar Nahi Dekha,

Mehboob ka Ghar Ho K Bazurgon Ki Ho Zameen,
Jo Chorr Diya, Phir Use Murr Kar Nahi Dekha,

Khat Aisa Likha K Nageene Se Jurrey Hain,
In Hatho Ne Lekin Koi Zewar nahi Dekha,

Patahr Mujhe Kehta Hai Mera Chaahne Wala,
Main Mom Hoon Us Ne Mujhe Chhu kar Nahi Dekha,

Wo Mere Masaiyl Ko Samjh Hi Nahi Sakta,
Jis Ne Meri Aankhon Ka Samunddar Nahi Dekha....

Kai Bad-Namiyan Hoteen, Kai ilzam Sar Aatey...

Kai bad-naamiyan hoteen, kai ilzam sar aatey
Magar ay kash hum dono hamee dono pe mar jatey

Agar tum khowab hotey to tumhen aankhon mein rakh letey
Na goya neind se phir jagte, ha'tta k mar jatey

Agar hum roshni hotey to phir ehsas ki lao se
Zameen ko chhor detey mil k dono chand per jatey

Agar tum phool hotey to tumhari khushuo mein rehte hum
Samandar ki terah hotey to hum tum mein utar jatey

Hamare khadd-o-khaal  kaise hain ye ab tak nahi dekha
Agar tum aaiyna hote to hum kitne sanwar jatey

Tumhare husn pe pehra hamare ishq ka hota
jawaan rakhte sada tum ko agar lamhay theher jatey

Agar sooraj hi hotey to phir apni dhoop ki soorat
Wajood-e-yaar ki dharti pe phir hum to bikhar jatey....

Kahin Wo Miley To Usey Kehna....

Kahin wo mily to usay kehna k,,,,
laot aao
laot aao k koi
bari hai shidat se
bari hi muddat se
bari mohabbat se
tumhra intzar karta hai
loat aao k 
kisi ki baaein
kisi ki yaaden
kisi ki raatain
tum bin boht adhuri hain
loat aao k koi tum bin
pal pal
her pal
her aaj
or
her kal 
tenha tha or tenha hai
loat aao
k tumhre na hony se
kisi ki ankhon me nami 
or zangdi mein kami 
bohet ziyada hai
Kahin wo mily to usay kehna
loat aao.
bas
ab loat aoo...

Abhi Tum Ishq Mat Karna....

Abhi Tum ishq Mat Karna,
Abhi Mitti Se Khelo Tum,

Tumhari Umr Hi Kya Hai,
Abhi Masoom se Ho Tum..!

Nahi Maloom Abhi Tum Ko,
K Jab Ye ishq Hota Hai,

To insan Kitna Rota Hai,
Sitaray Toot Jatay Hain,
Saharay Chhoot Jatay Hain,

Abhi tum Ne Nahi Dekha
K Jab Saathi Bicharrtay Hain,

To Kitna Dard Milta Hai,

Abhi Tum ishq Mat Karna,
Abhi Mitti Se Khelo Tum....

GHALAT FEHMI mein mat rehna...

Mohabbat ka Asar hoga,
GHALAT FEHMI mein mat rehna,

Wo badle ga challan apna,
GHALAT FEHMI mein mat rehna.

Tasalli bhi usay dena, 
Ye mumkin hai main laot aaun,

Magar ye bhi usay kehna,
GHALAT FEHMI mein mat rehna.

Tumhari thi Tumhari hoon,
Tumhari hi rahoon gi main,

Mere baare mein is darja,
GHALAT FEHMI mein mat rehna.

Mohabbat ka bharam toota,
to phir chup chup kiun rote ho,

Tumhen Hum ne kaha tha na,
GHALAT FEHMI mein mat rehna........

Koi Lamha Bhi Kabhi Lout Kar Nahi Aaya...

Koi lamha bhi kabhi laot kar nahi aaya
Wo shaks aisa gaya phir nazar nahi aaya

Wafa k dasht mein raasta nahi mila koi
Siwaye gard-e-safar hum-safar nahi aaya

Kisi charagh ne poochi nahi khabar meri
Koi bhi phool mere naam per nahi aaya

Pallat ker aane lagay shaam k parinday bhi
Hamara subha ka bhoola magar nahi aaya

Humen yakin hai k nahi wo waada khilaaf
Ye umr kese kate gi agarwo nahi aaya..!!

Kabhi Yaad Aao To Is Terah...

kabhi yaad aao to is terah
ke lahu ki sari tamaaz-tain
tumhen dhoop dhoop samait lain
tumhen rang rang nikhar dain
tumhen harf harf soch lain
tumhen dekhney ka jo shoq ho
to diyaar-e-hijar ki ter-gee !
ko mizaah ki nok se noch lain


kabhi yaad aao to is terah


mera dard phir se Ghazal buney
kabhi gungunaao ... to is terah
mere zaKhm phir se gulaab hon
kabhi muskuraao ..... to is terah
meri Dharkanen bhi laraz uthain
kabhi chot khaao ..... to is terah


kabhi yaad aao to is terah....

Usey Kehna Ye Duniya Hai....

Usay Kehna Ye Duniya hai

Yahan Har Morr pe Ese

Bohat se Log milte hain

Jo Andar Tak Utertay hain

Abad Tak saath rehne ki

ekathay Dard sehne ki

Hamesha Baat karte hain

Usay kehna Ye Duniya hai

Yahan Har Shakhs Mtlab ki

Haddon Tak saath chalta hai

Joonhi Mosam Badalta hai

Mohabbat k Sabhi Daaway

Sabhi Qasmen

Sabhi Waaday

Achanak Toot jatay hain

Use kehna Ye Duniya hai

Yahan Har Morr pe Apni

Sada Aankhen khuli rakhna

Koi kitna b acha ho

Koi kitna b sacha ho

Magar aitbar mat karna

Usay kehna Ye duniya hai

Yahan pe Piyar mat karna ....

Tu Phool Ki Surat Kisi Guldan Mein Rehta....

Tu phool ki soorat kisi guldan mein rehta,
lekin tera chehra mere imkaan mein rehta..

wehshat mere khwabon se hum aghosh na hoti,
ik jo tera tasawwur mere dheyan mein rehta..

lehja bhi badalta meri hasti bhi nikharti,
kuch roz agar aalam-e-wajdaan mein rehta..

ik roz to aana tha mujhe sat-hey zameen par,
kab tak main rawaan dasht k toofaan mein rehta..

rehta main tere khowab ki bedaar fiza mein,
khushbu ki tarha tu mere deewaan mein rehta....

Ek Saza Or Aseeron Ko Suna D Jaaye...

Ek Saza Or Aseeron Ko Suna d Jaye,
Yani ab Jurm-e-Aseeri Ki Saza d Jaye,

iski Khawaish hai K Ab Log Na Royen Na Hass'en,
Be-Hissi Waqt Ki Aawaz bana d Jaye,

Sirf Jalna hi Nahi hum Ko Bikharna bhi hai,
ishq Ki Aag Ko Lazim hai Hawa d Jaye,

Sirf Sooraj Ka Nikalna hi Ager Din hai to Phir,
Ek Shab Or Meri Shab Se Mila d Jaye,

Or Ek Taaza Sitam Us Ne Kiya hai "Mohsin"
Us Ko is Baar Zara Khoob Dua d Jaye....

Chalo Wo Ishq Nahi....

Chalo Wo Ishq Nahi Chaahne Ki Aadat Hai,
Per Kya Karen Humen ik Doosre Ki Aadat hai,

Tu Apni Sheesha Gari ka Na Kar Hunar Zaya,
Main Aaiyna Hoon Mujhe Tootne Ki Adat Hai,

Main Kya Kahoon K Mujhe Sabar Kiun Nahi Aata,
Main Kya Karoon K Tujhe Dekhne Ki Aadat Hai,

Tere Naseeb Mein Aai Sadaa Ki Mehroomi,
Na Wo Sakhi Na Tujhe Maangne Ki Aadat Hai,

Wisaal Mein Bhi Wohi Firaaq Ka Aalam
K Us ko Neind Mujhe Rat-Jagay Ki Aadat Hai,

Ye Mushkalen Hun To Phir Kese Raste Pay Hoon
Main Na Saboor, UseY Sochne Ki Aadat Hai,

Ye Khud Aziyati Kab Tak Rahe Gi "FARAZ"
Tu Bhi Na Kar Yaad Jisey Bhoolne Ki Aadat Hai....

Yehi Wafaa ka sila hai, to koi baat nahi...

Yehi Wafaa ka silaah hai to koi baat nahi,
Ye dard tum ne diya hai to koi baat nahi,

Yehi bohat hai k tum dekhte ho sahil se,
Safeena doob raha hai to koi baat nahi,

Rakha tha aashiyana-e-dil mein chhupa ke tum ko,
Wo ghar tum ne chor diya hai to koi baat nahi,

Tum hi ne aaiyna-e-dil mera banaya tha,
Tum hi ne torr diya hai to koi baat nahi,

Kis ki majaal kahe koi mujh ko deewana
Agar ye tum ne kaha hai to koi baat nahi....

Sar Jhukaney Ki Aadat Nahi Hai....

Sar jhukaany ki aadat nahi hay,
Aansu bahaany ki aadat nahi hay,

Hum kho geye to pachtao ge bohat,
Hamaari Loat k Aany ki aadat nahi hay,

Tere dar pe Mohabbat k sawali ban jaaty,
Lekin Haath phelaany ki aadat nahi hay,

Teri yaaden aziz hain bohat,
Magar Waqt ganwaany ki aadat nahi hay,

Tum sakht Dil nikle kya gila karen tum se,
Shikwa-e-dil lab pe laany ki aadat nahi hay,

Bad'dua b kya karen HAQ mein tumhary?
Hamen to Dil b dukhaany ki aadat nahi hay....

Hum silsilay Jo Wafa K Rakhte Hain...

Hum silsilay jo wafa k rakhte hain
Hoslay intihaa k rakhte hain

Hum kabhi bad-u-dua nahi dety
Hum sliqay Dua k rakhte hain

Un k Qadam b jaltay daikhte hain
Wo jo daman bacha k rakhte hain

Hum nahi hai shakist k qaail
Hum safeenay jala k rakhte hain

Jis ko jaana hai wo chala jaye
Hum diye sab bujha k rakhte hain

Hum b kitnay ajeeb hain yaaro
Dard ko Dil bana k rakhte hain..!!!