Hazaron Dukh Parren Sehna Mohabbat Mar Nahi Sakti
Hai Tum Se Bas Yahi Kehna Mohabbat Mar Nahi Sakti
Tera Har Baar Mere Khat Ko Parhna Aur Ro Dena
Mera Har Baar Likh Dena Mohabbat Mar Nahi Sakti
Kiya Tha Hum Ne Campus Ki Nadi Par Ik Haseen Waada
Bhale Hum Ko Parrey Marna Mohabbat Mar Nahi Sakti
Jahan Mein Jab Talak Panchhi Chehekte Urrte Phirte Hain
Hai Jab Tak Phool Ka Khilna Mohabbat Mar Nahi Sakti
Puraane Ehad Ko Jab Zinda Karne Ka Khayal Aaye
Mujhe Bas Itna Likh Dena Mohabbat Mar Nahi Sakti
Wo Tera Hijr Ki Shab Phone Rakhne Se Zara Pehle
Bohot Rote Huye Kehna Mohabbat Mar Nahi Sakti
Agar Hum Hasraton Ki Qabar Mein Hi Dafan Ho Jayen
To Yeh Qatbon Pe Likh Dena Mohabbat Mar Nahi Sakti
Puraane Raabton Ko Phir Neye Waadey Ki Khowahish Hai
Zara Ek Baar To Kehna Mohabbat Mar Nahi Sakti
Geye Lamhaat Fursat Ke Kahan Se Dhondh Kar Laaun
Wo Pehron Haath Par Likhna Mohabbat Mar Nahi Sakti
(Wasi Shah)
No comments:
Post a Comment