Ye Mojeza Bhi Mohabbat Kabhi Dikhaaye Mujhe
Ke Sang Tujhpe Giren Aur Zakhm Aaye Mujhe
Wo Meharbaan Hai To iqraar Kiun Nahi Karta
Wo Badgumaa Hai To So Baar Azmaaye Mujhe
Wo Mera Dost Hai Saare Jahaan Ko Hai Maloom
Dagha Kare Wo Kisi Se To Sharm Aaye Mujhe
Main Apni Zaat Mein Neelam Ho Raha Hoon Qateel
Gham-E-Hayaat Se Keh Do Khareed Laaye Mujhe....
No comments:
Post a Comment