AB K TAJDEED-E-WAFA KA NAHI IMKAAN JAANAA

Ab k tajdeed-e-wafa ka nahi imkaan jaanaa

Yaad kya tujhe ko dilaayen tera pemaan jaanaa

Yunhi mosam ki adaa dekh k yaad aaya hai

Kis qadar jald badal jaate hain insan jaanaa

                

Zindagi teri ataa thi so tere naam ki

Hum ne jesey b basar ki tera ehsaan jaanaa

Dil ye kehta hai k shayed ho afasurda tu b

Dil ki kya baat karen dil to hai nadaan jaanaa

Awal Awal ki mohabbat k nashey yaad to kar

Bin piye b tera chehra tha gulistaan jaanaa

Aakhir to ye aalam hai k ab hosh nahi

Rag-e-Meena sulag uthi k rag-e-Jaan jaanaa

Muddaton se yehi aalam na tawaqqo na umeed

Dil pukaare hi chala jata hai jaanaa jaanaa

Hum b kya saada thay hum ne b samajh rakha tha

Gham-e-Doraan se juda hai gham-e-jaanaa jaanaa

Ab k kuch aise saji mehfil-e-yaaraan jaanaa

Sar-e-be-unwan hai koi sar-e-be-gireban jaanaa

Her koi apni hi awaaz se kaanp uth'ta hai

Her koi apne hi saaye se haraasan jaanaa

Jis ko dekho wohi zanjeer bapa lagta hai

Shehar ka Shehar hua dakhil-e-Zandaan jaanaa

Ab tera zikar b shayed hi ghazal mein aaye

Or se or Huye dard k unwaan jaanaa

Hum to roothi hui rut ko b manaa lete thay

Hum ne dekha hi na tha mosam-e-hijraan jaanaa

Hosh aaya to sabi khowab thay reza reza

Jesey urrtey huye oraaq-e-preshan jaanaa….